نئی دہلی ، 27 مارچ(آئی این ایس انڈیا)  نیتی آیوگ کے وائس چیئرمین راجیو کمار کو الیکشن کمیشن نے کانگریس کے کم از کم آمدنی کی منصوبہ بندی پر بیان جاری کرنے کے لئے نوٹس جاری کیا ہے۔

کمار نے کل کئی ٹویٹ کر کانگریس کی غریب انصاف منصوبہ کو انتخابی جملہ بتاتے ہوئے اسے خزانے کے لئے بڑا بوجھ بتایا تھا۔آیوگ نے عہدے پر رہتے ہوئے سیاسی پارٹی کے وعدے کی تنقید کو ضابطہ اخلاق کی خلاف ورزی سمجھتے ہوئے نوٹس جاری کرکے وضاحت طلب کی ہے۔بتا دیں کہ منگل کو کانگریس کے انصاف اسکیم پر تنقید کرتے ہوئے راجیو کمار نے ٹویٹ کئے تھے،کمار نے لکھا تھاکہ 5 کروڑ غریب خاندانوں کو کم از کم آمدنی کی ضمانت کے تحت سالانہ 72000 روپے دینے کے وعدے سے مالی نظم و ضبط منہدم ہو جائے گا۔اس منصوبہ سے ایک طرح سے کام نہیں کرنے والوں کو حوصلہ افزائی ہوگی۔ سوشل میڈیا پر کئے اس ٹویٹ کے بعد کئی یوزرس نے بھی اسے سیاسی تبصرہ مان کر تنقید کی تھی۔کمیشن نے راجیو کمار کو جاری نوٹس میں کہا ہے کہ عہدے پر رہتے ہوئے نوکر شاہوں کو سیاسی پارٹیوں سے متعلق بیان جاری کرنا مثالی ضابطہ اخلاق کی خلاف ورزی ہے۔راجیو کمار نے کانگریس کی بھی تنقید کرتے ہوئے ٹویٹ کیا تھاکہ کانگریس کے پرانے ریکارڈ کو دیکھا جائے تو وہ الیکشن جیتنے کیلئے چاند لانے جیسے وعدے کرتی رہی ہے۔کانگریس صدر نے جس منصوبہ بندی کا اعلان کیا ہے اس سے مالی نظم و ضبط ختم ہوگا، کام نہیں کرنے کو لے کر ایک حوصلہ افزائی بنے گی ۔راجیو کمار کی تقرری کو بھی لے کر سیاسی مخالفت ہوئی تھی۔اس سے پہلے ہا میں چوکیدار ہوں شاعری ٹویٹر پر شیئر کرنے کی وجہ سے کچھ سوشل میڈیا یوزرس نے ان کی منشا پر سوال اٹھائے تھے۔